نـوتـِـِيلآ ,, نـوتيـِـِلآ ,, حـلويـَـَإآت كثييره بالنــوتيِلآ

--------------------------------------------------------------

من كمن يوم اتخبلت و شريت كرتون نوتيلا ، ما ادري ليش .. ابتلشت شو بسوي به .. ادخل المنتدى ادور
اشياء فيها نوتيلا ما احصل مع اني من قبل شايفة .. بس ناسية اسامي المواضيع

على العموم دخلت السايت مال نوتيلا و شفت فيه كمن وصفة اخترت منها هاذيل و سوبتهم .. بصراحة تستاهل انكم تجربونها .. مرره لذيذة

بسكوت الجوز بالنوتيلا
المقادير
3/4 كوب زبدة -يعني اصبع و نص
1/4 كوب سكر
1/2 كوب نوتيلا
2 1/4 كوب طحين
1 كوب جوز محمص شوي و مطحون
كوبين سكر ناعم
الطريقة
* حرري الفرن على 350
* اضربي بخلاط الكهرباء الزبدة و السكر يلين ما تصير كريمة لونها شبه ابيض
* ضيفي النوتيلا و كملي ضرب
* ضيفي الطحين و الجوز و اضربي بس مش ظروري وايد
* بعدين كوري العجين كور اكبر من حبة البندق شوي
* صفيهم في صينية و حطيهم في الفرن مدة ربع ساعة
* طلعيهم خليهم يبردون شوي
* بعدين غطسيهم في السكر الناعم و حطيهم على شبك -بتلاحظين ان السكر بدا يذوب عليهم، مش مشكلة
* خلي يبرد تمام و بعدين كلوه .. اذا بغيتي سكر زياده رشي عليه عند التقديم

تراه لذيييييييييييييييييييييييييييييييييييييييذ ..

بسكوت الزنجبيل بالنوتيلا

المقادير
2 كوب طحين
1/4 م ص ملح
2 م ص بيكربونات الصودا
1 م ص قرفة
1 م ص مسمار
2 م ص زنجبيل
3/4 كوب زبدة
بيضة
1 كوب سكر
1/4 كوب عسل
الطريقة
* اضربي السكر مع الزبدة بعدين ضيفي العسل و البيضة
* انخلي المقادير الجافة كلها و ضيفيها
* بتصير عندج عجينه شبه لزجة
* كوريها كور صغار قد حبة البندق و حطيها في صينية بعاد عن بعض ، لان مع الحراره بتذوب الكور عشان تسوي دوائر
* حطيها طبعا في فرن حار على درجة 350 مدة ربع ساعة
* خليها تبرد بعدين ادهني نوتيلا على حبة منها و غطيها بالثانية
* و كملي مع باقي البسكوت

بعد لذيييييييييييييييييييييييييييي يييييييييييييييييييذ ، طعم الزنجبيل في البسكوت يلسع شوي مع طعم الكاكاو .. روعة

ترافل النوتيلا بالكازو

المقادير
10 حبات اوريو
كوب كازو محمص -عادي مملح او لا
1/2 كوب سكر ناعم
3/4 كوب زبده
1 كوب نوتيلا
بخاخ زيت
الطريقة
* ييبي قالب مني كب كيكز بو 24 فتحة
*بطني الفتحات بقوالب الورق الحجم الصغير طبعا
* بخيها ببخاخ الزيت او اذا ما عندج ادهنيها شوي بزيت عادي
* اطحني حبات الاوريو ناعم
* صبي ملعقة صغيره من الاوريو المطحون في كل قالب ، و اضغطي بصبعج عليها عشان تلصق بالقاع و الجوانب
* اطحني الكازو مع 1/4 كوب سكر ناعم و ضيفيلها نص صبع زبده و هي في الخلاط ، و اطحني زياده يلين ما تصير مثل المعجون ، و حطيها على ينب
* ذوبي الزبدة الباقية مع السكر الباقي و ملعقتين كبار ماي
* ارفعيهم عن النار و ضيفي النوتيلا و حركي يلين ما يتجانسون
* صبي مقدار ملعقة صغيره من خليط النوتيلا على قوالب الاوريو
* لما تخلصين صبي مقدار نص ملعقة صغيره من خلطة الكازو على النوتيلا و اضغطي عليها شوي -انا استخدم عود الاسنان الخشب- عشان تدخل داخل خلطة النوتيلا
* اذا ما تعمقت داخل صبي شوي زيادة من النوتيلا الباقية
* برديها في الثلاجة نص ساعة و قدميها باردة

الله يعطيك الف الف الف عآفييييههَ

ممنوراااا

شكرا حبيبتي يعطيج العافيه :تسلمين يا الغا

: باااي :

شكراااا

مممممنورا

واااااااااااو روووعه

ششكرا حبيبتي

يم يم يم

حححلوووووووووووه احب النوتلااااا

ششكرا حبيبتي على الموضووع

روووووووووووووووعه شهيتيني بالنوتله

ههههههههههههههه

مشششككككره حبيبتي على الموضووع

شيوخه/العفو و منورا

عسل/حتى أنا احب نوتيلا عالعموم منورا

فديت حلاوي/هههههههه منورا

كتيييير حلوووو بس ماطعمته ولا مرررة

مشـــكوره حبيبتي